वाशीमच्या कोरोना बाधीत रुग्णाचा मृत्यु

वर्धा : वाशीम येथील कोरोनाबाधित रुग्णाचा सेवाग्राम रुग्णालयात पहाटे २ वाजता मृत्यू झाला. ८ मे रोजी हृदय रोगाच्या उपचारासाठी सदर रुग्ण सावंगी येथे दाखल झाले होते. सोबतच पॅरालिसिस आणि बी पी या आजारानेही त्रस्त होते. १० मे रोजी त्यांचा कोरोना तपासणी अहवाल पॉझिटिव्ह आला होता. त्यानंतर त्यांना सेवाग्राम येथील कस्तुरबा रुग्णालयात पुढील उपचारासाठी भरती करण्यात आले होते. या ६३ वर्षीय रुग्णाची प्रकृती मागील ८ दिवसां पासून गंभीर होती. त्यांना व्हेंटिलेटर सुद्धा लावण्यात आले होते. मात्र त्यांच्या प्रकृतीत कोणतीही सुधारणा झाली नाही. आज पहाटे दोन वाजता त्यांचा मृत्यू झाला.

Leave a Reply

Your email address will not be published. Required fields are marked *