भंडारा पत्रिका/प्रतिनिधी गोंदिया : दिगंबर जैन संत अंतरमन १०८ आचार्य श्री प्रसन्नसागरजी महाराज ११०० कि.मी. अखंड पदयात्रा करत शनिवार, दि. ६ मे रोजी सकाळी ८ वाजता आमगाव रस्त्यावरून गोंदिया नगर येथे आगमन करीत आहेत. फुलचूर नाक्यापासून निघालेली भव्य मिरवणूक दिगंबर जैन मंदिर, गोरेलाल चौक मार्गे जयस्तंभ, गांधी पुतळा व शुभप्रवेशाने निघेल. दिगंबर जैन मंदिरात आशीर्वादानंतर आहार चर्चा संपेल. सर्व कार्यक्रमांसाठी दिगंबर जैन समाज जोमाने कार्यरत आहे. रविवार ७ मे रोजी दुपारी ३ वाजता गोंदिया येथील एम.डी.कॉलेजच्या सभागृहात आचार्य श्रींच्या प्रवचनाचे आयोजन करण्यात आले आहे. या कार्यक्रमास रविवारी दुपारी ३.३० वाजता शहरातील सर्व धर्माभिमानी बांधवांनी उपस्थित राहावे, असे आवाहन गोंदिया शिक्षण संस्थेचे सचिव तथा माजी आमदार राजेंद्र जैन यांनी केले आहे.