भंडारा पत्रिका/प्रतिनिधी तुमसर : तुमसर पासुन पाच किलोमिटर अंतरावर असलेल्या हसारा गावाजवळील नहरानजिक एका ईसमावर सकाळी १० वाजताच्या दरम्यान रानडुकराने हल्ला चढवला त्यात त्या ईसमाला गंभीर दुखापत झाल्याने त्याला सुभाषचंद्र बोस उपजिल्हा रुग्णालय तुमसर येथे उपचारासाठी दाखल करण्यात आले आहे. मधुकर झंझाळ (वय ५४ वर्ष) असे जखमी इसमाचे नाव आहे. मधुकर झंझाळ रोजच्या प्रमाणे आजही आपल्या कामाच्या वेळेवर घरुन शेतावर मजुरीसाठी जायला निघाला होता. गावाजवळच नहरावळ जाताच दडी मारून बसलेल्या रानडुकराने अचानक मधुकरवर हल्ला चढवला.
रानडुकराने हल्ला करताच जवळ काही नागरीकांनी आरडा ओरड करुन नागरिकांनी घटनास्थळाकडे धाव घेत मधुकरला वाचवण्यासाठी प्रयत्न केले. मात्र, तोपर्यंत मधुकर ला रानडुकराने चांगलेच जखमी केले होते. जखमी मधुकर ला ताबडतोब तुमसर येथील उपजिल्हा रुग्णालयात उपचारासाठी नेण्यात आले. मधुकर झंझाळ यांच्यावर उपचार सुरु आहे. या घटनेबाबत वनविभागाला सुचित करण्यात आले असुन या परीसरातील रानडुकरांचा बंदोबस्त करण्यात यावा. तसेच जखमी मधुकर ला नुकसान भरपाई देण्याची मागणी गावकºयांनी केले आहे.
