गँस लिकेजमुळे घराला आग

भंडारा पत्रिका / प्रतिनिधी लाखांदूर : रुग्णालयात दाखल पतीला टिफिन घेऊन जाण्यासाठी सकाळच्या सुमारास स्वयंपाक करताना गॅस सिलेंडरच्या गळतीमुळे अचानक आग लागून घर पेटल्याची घटना घडली मात्र सुदैवाने या घटनेत कुठलीही जीवितहानी झाली नाही. ही घटना २८ मे रोजी पहाटे ५ वाजताच्या सुमारास स्थानिक लाखांदूर तालुक्यातील मोहरणा येथे घडली. भाऊराव भिवा दिघोरे असे घटनेतील पीडित घरमालकाचे नाव आहे. सविस्तर असे की, घटनेतील पीडित घरमालक भाऊराव अल्पभूधारक शेतकरी आहे. त्याने शासनाच्या उज्वला गॅस योजनेअंतर्गत घरगुती स्वयंपाकासाठी इंडेन कंपनीचे गॅस कनेक्शन घेतले होते. दरम्यान, भाऊरावची प्रकृती मागील ३-४ महिन्यापासून बिघडली असल्याने त्याच्यावर नियमित औषधोपचार केला जातआहे. सध्या त्याच्यावर भंडारा येथील रुग्णालयात उपचार सुरू आहे. सकाळच्या सुमारास भाऊरावची पत्नी वनिता पतीला भेटण्यासाठी रुग्णालयात जाणार होती.

रुग्णालयात जाताना पतीसाठी टिफिन घेऊन जाण्याचे तिने ठरविले होते. तथापि, सकाळच्या सुमारास राहत्या घरातील गॅस सिलेंडरवर स्वयंपाक करण्यासाठी तिने गॅस पेटवला मात्र सिलेंडर मधून गॅसची गळती होत असल्याने अचानक पेट घेतला. लगेच वनिताने या घटनेची माहिती गावकºयांना दिली. गावकºयांनी तात्काळ घटनास्थळी दाखल होत आगीवर नियंत्रण मिळविण्यासाठी आटोक्यात प्रयत्न करीत आग नियंत्रणात आणली. मात्र या आगीत घरातील जवळपास ३५ हजार रुपये किमतीचे साहित्य जळूनखाक झाल्याची माहिती देण्यात आली आहे. या घटनेची माहिती मोहरना क्षेत्राचे पंचायत समिती सदस्य मंगेश राऊत यांना होताच त्यांनी तात्काळ त्यांच्या घरी भेट देत स्वखचार्तुन ताडपत्री भेट दिली.

यावेळी मोहरणाचे सरपंच निलेश बोरकर, माजी पोलिस पाटिल दादाजी राउत, तंटामुक्त समिती अध्यक्ष प्रभाकर चौधरी, ग्रा . पं . सदस्य बबूल राउत, सुरेखा बगमारे, मारोती दिघोरे, स्वप्निल ठेंगरी . लाला बगमारे, नरेंद्र बगमारे, पांडुरंग चौधरी, रितेश देसाई, मनोहर दिघोरे, वैभव नागोसे, मिलिंद रामटेके यासह बहुसंख्य नागरिक उपस्थित होते. दरम्यान, गॅस गळतीमुळे लागलेल्या आगीत कुठलीही जीवितहानी झाली नसली तरी मोठे आर्थिक नुकसान झाले आहे. संबंधित गॅस कंपनीकडून नुकसान भरपाई मिळण्याची गावकºयांसह पीडित कुटुंबीयांनी केली आहे.

bhandarapatrika

bhandarapatrika

Leave a Reply

Your email address will not be published.