भंडारा पत्रिका / प्रतिनिधी भंडारा : भंडारा पांढराबोडी वरठी मार्गावर भंडारा स्थागुशा विभागाच्या अधिका-यांनी २.२४ किलो गांजासह दोघांना ताब्यात घेतले. अनमोल सुखदेव वाहाणे वय ४१ वर्षे रा.वरठी व दिनेश राजु राठोड वय ३१ वर्षे रा. आंबागड असे ताब्यात घेण्यात आलेल्या आरोपींची नावे आहेत. पांढराबोडी मार्गे वरठी इथुन भंडारा शहरात गांजा ची तस्करी करण्यात येत असल्याची माहिती भंडारा स्थानीक गुन्हे शाखा विभ गाला मिळताच स्थागुशा विभागाच्या अधिका-यांनी सापळा रचुनपांढराबोडी मार्गे शुक्रवारीकडे येणा-या मार्गावर अनमोल सुखदेव वाहाणे वय ४१ वर्षे रा. वरठी व दिनेश राजु राठोड वय ३१ वर्षे रा. आंबागड हे डबल सिट होंडा डीयो मोपेड क्र. एमएच. ३६ यु. २४२० ने येतांना दिसुन आले. पोलीसांनी त्यांना थांबवुन झडती घेतली असता मोटारसायकलच्या डीक्कीमध्ये २०२४० रूपये किंमतीचा २.२४ किलो गांजामिळुन आला.
पोलीसांनी दोन्ही आरोपींना ताब्यात घेत त्याच्या ताब्यातुन गांजा व मोटारसायकल असा एकुण ४५ हजार रूपयांचा मुद्देमाल जप्त केला. सदर कारवाई जिल्हा पोलीस अधिक्षक लोहित मतानी, अप्पर पोलीस अधिक्षक ईश्वर कातकडे यांच्या मार्गदर्शनात भंडारा उपविभ आगीय अधिकारी अशोक बागुल, स्थागुशा ‘पोनि.नितीन चिंचोळकर, सहा. पोनि.नितेश देशमुख, सफौ. मडामे, पोहवा. प्रदीप डहारे, पोहवा. किशोर मेश्राम, पोहवा रमेश बेदुरकर, पोहवा. विजय तायडे, पोहवा. निरंजन कडव, पोना. अंकेश पुराम, पोअ. सचिन देशमुख, योगेश ढबाले, मंगेश पाळोदे, अमोल खराबे यांनी केली.
