भंडारा पत्रिका/प्रतिनिधी भंडारा : उन्हाळ्याची चाहुल लागली की पाण्याची तिव्र टंचाई भासते. याच कालावधीत नूतन कन्या शाळेत एक घास चिऊसाठी उपक्रमाअंतर्गत शालेय विद्यार्थिनींनी (कचºयातून कला) टाकाऊ वस्तूंपासून टिकाऊ वस्तू बनविणे, यात लग्न पत्रिकेपासून आकर्षक लिफाफे, ग्रिटींग कार्ड व रिकाम्या खोक्यांपासून विविध पक्ष्यांकरिता आकर्षक घरटी बनविण्याचे प्रशिक्षण देण्यात आले आहे. कार्यक्रमाला पर्यावरण व प्राणी, पक्षी प्रेमी विलास केजरकर, यशवंत बिरे, प्राचार्य निलू तिडके, पर्यवेक्षक सुरेखा डुंभरे उपस्थित होते. तज्ञांनी विद्यार्थिनींना टाकाऊ वस्तूंपासून टिकाऊ वस्तू बनविण्याचे प्रशिक्षण दिले. त्यात लग्न पत्रिके पासून आकर्षक लिफाफे, ग्रिटींग कार्ड व रिकाम्या खोक्यापासून विविध पक्ष्यांकरिता आकर्षक घरटी बनविण्याचे प्रशिक्षण देण्यात आले आहे. पक्ष्याकरिता चारा व पाण्याची व्यवस्था केल्यास पक्ष्यांची संख्या नक्कीच वाढेल व पर्यावरणाचा संतुलन वाचविण्यास सहकार्य लाभेल तसेच सशक्त विद्यार्थिनींनी नेहमी दुसºयांना मदत करावे.
म्हणून स्वत: सशक्त बनून दुसºया विद्यार्थिनींना, महीलांना सहकार्य करून विविध प्रकारचे प्रशिक्षण घेऊन प्रोत्साहीत करावे असे प्रतिपादन पर्यावरण व प्राणी, पक्षी प्रेमी यशवंत बिरे यांनी केले. याप्रसंगी शालेय विद्यार्थींनींनी कचºयातून कला जोपासण्यासाठी सदैव अग्रेसर रहावे. असे मत विलास केजरकर यांनी व्यक्त केले. तर अशा विविध प्रकारच्या उपक्रमात सहभागी व्हावे असे मत प्राचार्य निलू तिडके यांनी विद्यार्थिनींना मार्गदर्शन केले. कार्यक्रमाचे सुत्रसंचालन व प्रास्ताविक प्राचार्य निलू तिडके यांनी केले तर उपस्थितांचे आभार पर्यवेक्षक सुरेखा डुंभरे यांनी मानले.
