वरठी : भंडारारोड वरठी येथे रेल्वे खाली येऊन तरुणीचा मृत्यू झाल्याची घटना आज १२ रोजी सायंकाळी ५ वाजताच्या सुमारास घडली. वरठी येथील रेल्वे रुळावरून सायंकाळच्या सुमारास एक युवती पायदळ जात असल्याचे उड्डाणपुलावर उभ्या एका तरुणाला दिसली. त्याला संशय आल्याने आवाज दिला असता तिने काहीही प्रतिसाद दिला नसल्याचे सांगितले जाते. याच वेळी खातकडून कोकाच्या दिशेने जाणाºया मालगाडीने तिला धडक दिली. घटनेची माहिती होताच रेल्वे पोलिसांनी घटनास्थळ गाठून मृतदेह उत्तरीय तपासणीसाठी भंडारा जिल्हा सामान्य रुग्णालयात पाठविला.सदर अपघातात तरुणीचा चेहरा पूर्ण चेंदामेंदा झाल्याने तिची ओळख पटू शकली नाही. सदर युवती ही ३५ ते ३७ वयोगटातील असून अंगावर पांढ-या रंगाचा सलवार परिधान केली होती.