भंडारा पत्रिका / प्रतिनिधी लाखनी : तालुक्यातील खैरी (पिंपळगाव रस्ता) गावात बांधकाम सुरू असलेल्या पाण्याच्या टाकीवरून पडून एका मजुराचा मृत्यू झाला.राकेश विश्वपाल वय २२ वर्षे असे मृत युवकाचे नाव असून तो चिचाळ (अड्याळ) गावचा रहिवासी आहे. माहितीनुसार लाखनी पंचायत समिती अंतर्गत येणाºया खैरी पिंपळगाव रस्त्यावरील गावात पंतप्रधान जल जीवन अभियानांतर्गत पिण्याच्या पाण्याच्या टाकीचे बांधकाम सुरू असुन संदीप बावनकर यांना सदर बांधकामाचे कंत्राट मिळाल्याची माहिती आहे. मागील एकमहिन्यापासून सदर टाकीचे काम सुरू आहे. सदर बांधकामावर अड्याळ येथील मजुर कामावर आहेत. बांधकामावर काम करणारे मजूर राकेश उके यांच्यासह ६ मजूर नेहमीप्रमाणे ३० फूट उंचीवरून खाली उतरत असताना अचानक तोल गेल्याने राकेश ३० फूट उंचीवरून खाली पडला.त्याला रुग्णालयात प्राथमिक उपचारानंतर भंडारा येथील लक्ष या खाजगी रुग्णालयात दाखल केले असता उपचारादरम्यान त्यांचा मृत्यू झाला.
