भंडारा पत्रिका / प्रतिनिधी साकोली : सध्या राज्यपाल नियुक्त आमदारांच्या निवडीबद्दल भंडारा व गोंदिया जिल्ह्याचे राजकारण तापले आहे. राज्यपाल नियुक्त बारा सदस्यांच्या यादीत उपमुख्यमंत्री अजित पवार व भंडारा गोंदिया जिल्ह्याचे हेवीवेट नेते खासदार प्रफुल पटेल यांच्या कोट्यातून भंडारा-गोंदिया जिल्ह्यातील सदस्याची वर्णी लागणार या वृत्ताने जिल्ह्यात आनंदाचे वातावरण निर्माण झाले आहे. येणाºया विधानसभा लोकसभा निवडणुका लक्षात घेता राष्ट्रवादी काँग्रेस पक्षश्रेष्ठी पक्ष बांधणीच्या दृष्टिकोनातून ओबीसी चेहºयाचा गांभीर्याने विचार करतील अशी अपेक्षा सर्वसामान्य ओबीसी कार्यकर्त्यांमध्ये व्याप्त आहे. भंडारा व गोंदिया जिल्ह्यात खा. पटेलानंतर राष्ट्रवादी पक्षाची धुरा राजेंद्र जैन यांच्या खांद्यावर राहते. आणि त्यामुळेच त्यांना लोकसभा क्षेत्रात मीनी प्रफुल्ल पटेल असे संबोधल्या जाते.
वास्तविक पाहता राजेंद्र जैन यांना पक्षाने भरपूर काही दिले आहे.त्यात विधानपरिषदेची आमदारकी, गोंदिया जिल्हा मध्यवर्ती बँकेचे अध्यक्ष, स्व. मनोहरभाई पटेल अ‍ॅकेडमीचे सचिव तसेच भंडारागोंदिया लोकसभा क्षेत्राच्या निवडणूकीची जबाबदारी त्यांच्या खांद्यावर राहीली असून ती त्यांनी सक्षमपणे सांभाळली आहे प्रफुल पटेल यांचे जवळचे म्हटले तर माजी आमदार राजेंद्र जैन यांची वर्णी लागण्याकरिता राष्ट्रवादीतील काही कार्यकर्ते पक्षश्रेष्ठींकडे सक्रिय असल्याचे बोलले जात आहे. तर पटेल यांनी दोन्ही जिल्ह्याच्या विचार केला असता भविष्याच्या राजकारणासाठी ओबीसी समाजाला प्रतिनिधित्व द्यावे असा बहुसंख्य ओबीसी समाजातील कार्यकर्त्यांचा मानस आहे. महाराष्ट्रात सध्या साकोली विधानसभा क्षेत्र हे चर्चित आहे. सुनील फूंडे हे मूळ साकोली निवासी असून जिल्ह्याच्या सहकार क्षेत्रातील हेवीवेट नेतृत्व आहे.
पटेलांना भविष्यात जे साध्य करायचे आहे त्याकरिता साकोली विधानसभा क्षेत्राचा विचार करावा लागेल. मागील दीड महिन्यापासून भंडारा व गोंदिया जिल्ह्यातून राज्यपाल नियुक्त यादीमध्ये सहकार क्षेत्रातील आक्रमक तसेच सशक्त नेतृत्व म्हणून व ओबीसी समाजाचे प्रतिनिधित्व करणारे सुनील फूंडे यांचे नाव अग्रस्थानी आहे. फूंडे हे भंडारा जिल्हा मध्यवर्ती बँकेच्या माध्यमातून जनमाणसापर्यंत पोहचलेले व्यक्तीमत्व असून सहकार क्षेत्राच्या माध्यमातून प्रत्येक शेतकºयांपर्यंत पोहचले आहेत. मागील अनेक वर्षांपासून राष्ट्रवादी काँग्रेस पक्षबांधणी साठी सुनील फूंडे यांची प्रामाणिक कार्यशैली सर्वपरिचित आहे. आमदार पदावर भंडारा व गोंदिया जिल्ह्यातून सुनील फूंडे यांची वर्णी लागेल याची उत्सुकता जन माणसात आहे. भविष्यात होणाºया विधानसभा व लोकसभा निवडणुकीच्या पार्श्वभूमीवर अजित पवार व प्रफुल्ल पटेल गटाच्या राष्ट्रवादी काँग्रेस पक्षाच्या बळकटी करणासाठी ओबीसी चेहरा म्हणून सुनील फूंडे हे सोयीचे ठरणार अशी चर्चा कार्यकर्त्यांमध्ये आहे. दोन्ही जिल्ह्यांतील बहुसंख्य ओबीसी समाजातील चेहरा सुनील फूंडे की माजी आमदार राजेंद्र जैन यामधील निवड कूणाची करावी हा प्रश्न आता पक्षश्रेष्ठीं पूढे उभा आहे .
