राज्यात २०८ पोलिसांचा कोरोनाशी लढताना मृत्यू

प्रतिनिधी पुणे : कोरोनाच्या काळात मागील सात महिन्यांत पोलिसांनी खूप काम केले आहे. आमचे पोलीस जरूर थकले आहेत. पण हिम्मत हरलेले नाहीत. या काळात कर्तव्य निभावताना २०८ पोलीस अधिकारी आणि कर्मचाºयांचा मृत्यू झाला आहे. या पोलिसांच्या कुटुंबाला ६५ लाख रुपयांची आर्थिक मदत देण्याचा निर्णय राज्य शासनाने घेतला आहे, अशी माहिती यावेळी गृहमंत्री देशमुख यांनी दिली. पुणे श्रमिक पत्रकार संघाच्यावतीने गृहमंत्री अनिल देशमुख यांच्याशी वातार्लाभ कार्यक्रमाचं आयोजन करण्यात आले होते. यावेळी गृहमंत्री अनिल देशमुख यांनी विविध विषयांवर चर्चा केली. पोलीस भरती प्रकिया ही मोठी आहे. साडेबारा हजार जागांसाठी जवळपास पाच ते सहा लाख अर्ज येण्याची शक्यता आहे. त्यामुळे या प्रक्रियेला ४ ते ५ महिने लागतील. साडेबारा हजार पोलीस भरती प्रक्रि येमध्ये मराठा समाजासाठी १३ टक्के जागा राखीव ठेवण्याचा प्रयत्न आहे. त्यासाठी कायदेशीर सल्ला घेणार आहे.

मराठा समाजावर कोणताही अन्याय होऊ देणार नाही, असेही त्यांनी स्पष्ट केले. कोरोनाच्या काळात गेली साडेचार महिने पोलिसांनी उत्कृष्ट काम केले आहे. ते थकलेत पण त्यांनी हिंमत हरली नाही, असेही यावेळी अनिल देशमुख म्हणाले. पुणे पोलीस आयुक्तपदी अमिताभ गुप्ता यांनी नुकताच कार्यभार स्वीकारला आहे. कोरोनाच्या काळात त्यांचे बावधन प्रकरण खूप गाजले होते. कोरोनाच्या काळात अमिताभ गुप्ता यांच्याकडून खूप मोठी चूक झाली होती, त्यांना त्याची शिक्षाही झाली आहे. अमिताभ गुप्ता हे एक चांगले अधिकारी आहेत. त्यांचे काम खूप चांगले आहे, असेही गृहमंत्री अनिल देशमुख म्हणाले.

‘ती’ अभिनेत्री नाव घेण्याच्याही लायकीची नाही

‘त्या’ अभिनेत्रीच नाव घेण्याचं काही प्रश्न नाही. ‘ती’ अभिनेत्री नाव घेण्याच्या लायकीची नाही. त्यामुळे ‘त्या’ अभिनेत्रीच नाव न घेता मी इतकेच सांगेन की, ज्या पद्धतीने मुंबईला पाकिस्तान म्हणण्याचे काम, महाराष्ट्राला पाकिस्तान म्हणण्याचा काम, मुंबई पोलिसांना माफिया म्हणण्याचा काम ज्या व्यक्तीने केले आहे, अशा व्यक्तीला जेव्हा एखादा राजकीय पक्ष खतपाणी घालण्याचे काम करत आहे, याचाही विचार समाजाने करायला हवा, असे मत गृहमंत्री अनिल देशमुख यांनी अभिनेत्री कंगना रणौत हिचे नाव न घेता व्यक्त केले.

Leave a Reply

Your email address will not be published. Required fields are marked *