भंडारा पत्रिका/प्रतिनिधी तिरोडा : तालुक्यातील गुमाधावडा येथे कबाडी दुकानात काम करणारे उत्तर प्रदेशच्या युवकाची हत्या झाल्याची तक्रार गोव्हारा पोलीस स्टेशन उत्तर प्रदेश मध्ये कलम ३०२, ४०६ व अनुसूचित जाती जमाती प्रतिबंधक कायद्यानुसार गुन्हा नोंद करून तिरोडा पोलीस स्टेशनला कागदपत्रे पाठवल्यावरून तिरोडा पोलिसांनी हत्तेचा गुन्हा नोंद करून पुढील तपास उपविभागीय पोलिस अधिकारी प्रमोद मडामे करीत आहेत. उत्तर प्रदेश राज्यातील सिद्धार्थ नगर जिल्ह्याचे गोव्हारा पोलीस स्टेशन अंतर्गत येणारे तिघारा गावातील रामरतन गणपत यांनी दिलेले तक्रारीनुसार त्यांचा मुलगा रामबहाल ३५ वर्ष त्यांचेच गावातील अयुब याकूब यांचे तिरोडा पोलीस स्टेशन अंतर्गत गुमाधावडा येथील नवाज ट्रेडर्स कबाडि दुकानात १५ हजार रुपये मासीक पगारावर काम करीत असता २०४-२३ रोजी एका महिलेने फोन करून रामबहाल याचे हातपाय काम करत नसल्याचे सांगितले तर २८४-२३ रोजी मो.क्र. ८३९०४९१३३८ वरुन फोनवर एका व्यक्तीने आम्ही संध्याकाळ पर्यंत रामबहाल सोबत खाजगी रुग्णवाहिका क्रमांक एमएच ३५- के १८४५ ने येत असल्याचे सांगितले. मात्र रात्री ११ वाजता ही खाजगी रुग्णवाहिका आमचे येथे पोहोचली असता यात रामबहालचे प्रेत दिसून आल्याने सर्व नातेवाईक दु:खाच्या सागरात बुडून गेले.
याच संधीचा फायदा घेत रुग्णवाहिका चालकांने प्रेत उतरवून रुग्णवाहिकेसह पळ काढल्याने तसेच रामबहालचे मानेवर व डोक्यावर जखमा असल्याने आम्ही त्वरित ११२ क्रमांकावर फोन करून पोलिसांना सूचना दिली. त्यावरून २९ -४ – २३ रोजी प्रेताचे शवविच्छेदन करून प्रेत मिळाल्यावरून आम्ही या प्रेतावर अंतिम संस्कार करून पोलीस स्टेशन येथे तक्रार देत असून मृतक रामबहालचे त्याचे पत्नीशी १८-२० दिवसाआधी फोनवर बोलणे झाले असता त्यांने पत्नीस सांगितले की, मी जवळपास एक वर्षापासून या दुकानात काम करीत असून दुकान मालकाने मला पगार दिला नसून पगार मागितल्याने मालकांनी तू साले चमार बहुत ज्यादा बोलता है, तेरा कुछ इलाज करना पडेगा असे बोलला होता, अशी तक्रार दिल्यावरून गोव्हारा पोलीस स्टेशनमध्ये आरोपी अयुब याकूब व साथीदारांनवर भादंवि कलम ३०२४०६, अनुसूचित जाती जमाती प्रतिबंधक कायदा कलम ३(२)-५ नुसार गुन्हा नोंद करून संबंधित गुन्ह्याचे कागदपत्र तिरोडा पोलिसांना १४ आॅगस्ट रोजी मिळाल्यावरून तिरोडा पोलिसांनी अयुब याकूब व त्याचे साथीदारावर भादंवि कलम ३०२, ४०६ अनुसूचित जाती जमाती प्रतिबंधक कायदा कलम ३(२)-५ नुसार गुन्हा नोंद करून गुन्हयाचा पुढील तपास उपविभागीय पोलीस अधिकारी प्रमोद मडामे करीत आहेत.
