अर्धवट ज्ञान जिवावर बेतले…दोन अप्रशिक्षीत सर्पमित्रांचा सर्पदंशाने मृत्यू

प्रतिनिधी वर्धा: आधीच अप्रशिक्षित सर्पमित्र त्यात दारू प्यालेले आणि अशा अवस्थेत गर्दी जमली म्हणून तिथे जात कवड्या समजून मण्यार पकडला. दुचाकीवर नेताना बेफिकिरीने हाताळताना दोघांनाही सर्पदंश झाला. उपचारा दरम्यान या दोन्ही युवकांचा मृत्यू झाला. सापाच्या जातीविषयी फारसे ज्ञान नसल्याने दोन तरुणांना विनाकारण जीव गमवावा लागला. प्राप्त माहितीनुसार, पिपरी (मेघे) परिसरातील गणेशपूर मार्गावर सागर महाजन आणि राहुल समर्थ या दोघांनी बिन विषारी असलेला कवड्या साप असल्याचे समजून पकडला. साप पकडून प्लॉस्टिकच्या भरणीतही टाकला. घरी आणून त्याच्या सोबत खेळणेही सुरू केले. दरम्यान, राहुल आणि सागर यांना दोघांनाही सापाने वारंवार दंश केला. मात्र, कवड्या साप असल्याचे समजून या दोघांनीही सापाच्या दंशाकडे फारसे लक्ष दिले नाही. मात्र, रात्री दोघांनाही मळमळू लागल्याने रुग्णालयात नेले असता दोघांनाही विषारी सापाने दंश केल्याचे डॉक्टरांनी स्पष्ट केले.

रविवारी घरच्या भरणीत असलेला साप सर्पतज्ञांनी बघितल्यानंतर सर्पतज्ञांना आश्चर्याचा धक्का बसला. या दोघांनीही बिन विषारी कवड्या म्हणून हाताळलेला साप चक्क मध्यभारतातील आणि नागापेक्षाही भयंकर विषारी असलेला मण्यार असल्याचे लक्षात आले. सापांची जोपर्यंत निट ओळख होत नाही, साप हाताळण्याच्या पद्धती, सापाची वार करण्याची पद्धत निट कळत नाही, तोपर्यंत कोणत्याही सापाला पकडण्याचा प्रयत्न कोणीही करू नये, अशी प्रतिक्रिया सर्पतज्ज्ञ संजय इंगळे तिगावकर यांनी दिली. अंधश्रद्धा निर्मुलनासाठी शिबिरांचे आयोजन करण्यात आले होते. त्यातून विदर्भात जणजागृती करण्यात आली. मात्र, काहींनी अर्धवट प्र-ि शक्षण घेणाºयांनी सापांचा व्यवसाय करू लागले. स्वत: साप हाताळायला लागले. शास्त्र शुद्ध ज्ञान त्यांना नाही. त्यातून त्यांनी काहींना पुन्हा अर्धवट ज्ञान असलेले युवकांची फळी तयार झाली.

सर्पदंशामुळे वर्धेतील दोन युवकाचा जीव गेला ही दुदैवी घटना घडली आहे. सापाची ओळख नसल्यामुळे ही घटना घडली. कोणता साप आहे. ते माहित नाही, त्याला हाताळण्याची पध्दत माहित नाही. अशांनी सर्पमित्र म्हणून सापांना हाताळू नये.वर्धा जिल्ह्यातील नागरिकांसाठी सर्पमित्र अभियान चालू करण्यात आले. त्यात जे नागरिक, युवक, सापांसह बुवाबाजी करतात. त्यासाठी करण्यात आले होते. वर्धा जिल्ह्यातील हा प्रकार दुदैवी असून या युवकांना साप पकडण्याचा शास्त्र शुध्द पध्दती माहित नाही. त्यातून हा प्रकार जिवावर बेतला आहे. महा- राष्ट्रात सर्पमित्रांना ओळखपत्र शासनाने देवू नये,अशी मागणीही सामाजिक कार्यकर्ता संजय इंगळे तिगांवकर यांनी दिली आहे. त्याऐवजी वनविभागातील कर्मचाºयांनाच प्रशिक्षण देण्याची मागणी संजय इंगळे तिगांवकर यांनी केली आहे.

Leave a Reply

Your email address will not be published. Required fields are marked *