भंडारा पत्रिका/प्रतिनिधी गोंदिया : निवडणूक आयोगाने विधानसभा निवडणुकीत राजकीय पक्ष, उमेदवार, मतदार व निवडणूक यंत्रणेच्या मदतीसाठी विविध सुविधा व अ‍ॅप्लिकेशन उपलब्ध करून दिले आहेत. सोबतच त्या त्या विषयाच्या अनुषंगाने विविध समित्या सुध्दा गठीत करण्यात आल्या आहेत. भयमुक्त व पारदर्शक वातावरणात निवडणूक पार पाडण्यासाठी निवडणुकी दरम्यान या सुविधांचा लाभ घ्यावा, असे आवाहन जिल्हा निवडणूक अधिकारी तथा जिल्हाधिकारी प्रजित नायर यांनी केले आहे.
