रेती घाटावरुन मोठ्या प्रमाणात रेतीचा अवैध उपसा

वार्ताहर बारव्हा : प्रदूषण नियंत्रण मंडळाची मंजुरी अद्यापही मिळाली नसल्याने रेती घाटांचे लिलाव झालेले नाही. त्यामुळे याचा फायदा रेती माफिया घेत असल्याचे चित्र बारव्हा परिसरातील आहे. लाखांदुर तालुक्यातील धर्मापुरी, बोथली, पांढरगोठा रेतीघाटातून दररोज रात्रीच्या सुमारास १५ ते २० ट्रॅक्टर रेतीची अवैध वाहतूक करुन त्याची बारव्हा, लाखांदूर परिसरात मोठ्या प्रमाणात विक्री करीत आहे. गावातील काही लोकप्रतिनधी व विविध पक्षाचे पदाधिकारी व कार्यकर्त्यांच्या मदतीने आणि काही स्थानिक जनतेला पैशाचे आमिष दाखवित रेती घाटावरुन मोठ्या प्रमाणात रेतीचा अवैध उपसा करुन त्याची वाहतूक केली जात आहे. यामध्ये थेट तस्करांना स्थानिक ग्रामपंचायतीची पूर्णपणे सहकार्य असल्याची चर्चा नागरिकांमध्ये आहे. रेती घाटांवरुन दररोज रेती भरलेले ट्रक, टॅक्टरची सरार्सपणे वाहतूक सुरू असून रेती माफियांवर संबंधित महसूल विभागाने कुठलीच कारवाई केली जात नसल्याने आश्चर्य व्यक्त केले जात आहे.

धर्मापूरी बारव्हा, खोलमारा, जैतपूर व इतर परिसरात ट्रॅक्टरने रेतीची अवैध वाहतूक करुन विक्री केली जात आहे. रेतीने भरलेले ट्रॅक्टर, ओव्हरलोड टिप्पर यासारख्या जड वाहतूकीमुळे बोथली ते धमापुर्री रस्त्याची दुरावस्था झालेली आहे. त्यामुळे ठिकठिकाणी मोठमोठे खड्डे पडले असून रस्त्यावरून ये जा करताना नागरिकांना तारेवरची कसरत करत प्रचंड त्रास सहन करावा लागतो. रेती घाटांवरुन रेतीचा अवैध उपसा करुन त्याची वाहतूक करुन देण्यासाठी सर्वकाही आलबेल असल्याची चर्चा बारव्हा परिसरात आहे. त्यामुळे दररोज सकाळी आणि रात्रीच्या सुमारास १५ ते २० ट्रॅक्टरने रेतीची अवैध वाहतूक सुरू असताना कुठलीच कारवाई केली जात नसल्याची माहिती आहे. त्यामुळे महसूल विभागाच्या वरिष्ठ अधिकाºयांनी तथा जिल्हाधिकाºयांनी गंभीररित्या दखल घेऊन या ठिकाणी धाड घालून रेती माफियांचे मुसके आवळण्याची आवश्यकता आहे.

लाखांदूर तहसील कार्यालयापासून १२ किमी अंतरावर असलेल्या धमार्पूरी घाटातील रेती बारव्हा येथील तलाठी कार्यालयसमोरुनच नेत असतात. मात्र रेतीची अवैध वाहतूक करणाºयावर महसूल विभागाने अजूनपर्यंत कारवाई केल्याचे ऐकिवात नाही. खुल्या जागेत रेतीची डम्पिंग पावसाळ्याला सुरुवात झाली आहे. या काळात रेतीची मागणी लक्षात घेता रेती माफीयांनी बारव्हा परिसरातील मोकळ्या जागेत रेतीची डम्पिंग केली आहे, असे असतांना महसूल विभाग मात्र रेतीसाठे जप्त करण्यास धजावत नसल्याचे दिसून येते. त्यामुळे कर्मचारी व रेतीमाफीयांमध्ये साटेलोटे असल्याचे लाखांदूर तालुक्यात चर्चा रंगू लागल्या आहेत.

Leave a Reply

Your email address will not be published. Required fields are marked *