भंडारा प्रत्रिका /प्रतिनिधी खापा/तुमसर : रामटेक गोंदिया महामार्गावर स्टेशनटोली(दे) इथे श्याम धाब्यासमोर विरुद्ध दिशेने उभे असलेल्या ट्रेलर वर मोटरसायकल धडकल्याने दोघा जणांचा जागीच मृत्यू झाला तर तीन गंभीर जखमी आहे. सदर घटना १३ जून २०२४ ला दुपारी १२:३० ला घडली . ट्रेलर क्रमांक एमएच ४०/सीएम ७४३७ ने धाब्यासमोर विरुद्ध दिशेने ट्रक उभे केले होते खापा कडून देव्हाडीकडे जात असलेली मोटरसायकल क्र. एमपी ५०/एमएफ २९३५ उभ्या असलेल्या ट्रकवर मोटर सायकल धडकली मोटर सायकलस्वार सुलीचंद द्वारकाप्रसाद सोनयारी वय ६० रा. चुरडी, विहान दिनेश दशमेर वय ४ वर्ष रा. सालेवाडा (वाराशीवनी) जि. बालाघाट यांचा जागीच मृत्यू झाला तर दिनेश उत्तम दशमेर वय ३० वर्ष ,सरिता दिनेश दशमेर वय २५ वर्ष रा. सालेवाडा गंभीर जखमी झाले तर रिग्राशी दिनेश दशमेर वय २ वर्र्षे किरकोळ जखमी झाली.
जखमींना तातडीने उपजिल्हा रुग्णालय तुमसर येथे दाखल करण्यात आले. पुढील तपास तुमसर पोलीस ठाणेदार यांच्या मार्गदर्शनात उपनिरीक्षक गीते करीत आहेत.
