भंडारा पत्रिका / प्रतिनिधी भंडारा : शहराचे हृदयस्थान असलेला तकिया वार्ड परिसर आज आरोग्य सेवा (रूग्णालय) तसेच औद्योगीक बाबीतून अत्यंत महत्त्वपूर्ण असा आहे. याच तकिया वार्ड परिसरात मागील पंधरा ते वीस वर्षापासुन राजू व्यास हे नेहमीच नगरसेवकाच्या भूमिकेतुन सतत तकिया वार्डात शासनाच्या विविध विकासाच्या योजना व विकासकामे यासाठी धडपडतांना दिसून येतात. तकिया वार्डातील नागरीकांसाठी नवीन काय करता येईल, वार्डाचा सर्वांगीण विकास कसा साधता येईल या विषयी राजु व्यास यांनी भंडारा-गोंदिया लोकसभा क्षेत्राचे नवनिर्वाचित खासदार डॉ. प्रशांत पड़ोळे यांची सदिच्छा भेट घेवुन वार्डाच्या विकासाविषयी चर्चा केली. यावेळी तकिया वार्ड वासीयांतर्फे राजू व्यास यांनी नवनिर्वाचीत खासदार डॉ. पडोळे यांचा सत्कारही केला. यावेळी चर्चेमध्ये तकिया वार्डाच्या विकासाकरीता राजू व्यास यांच्या मध्यमातुन आपण कटिबध्द असल्याचे खासदार डॉ.पडोळे यांनी यावेळी संगीतले.
