भंडारा पत्रिका/प्रतिनिधी तुमसर : सायंकाळच्या सुमारास आकाशात मेघ दाटुन आले. विजेच्या कडकडाट सह पावसाला सुरुवात झाली. दरम्यान तालुक्यातील खरबी येथे घरासमोर बांधल्या असलेल्या म्हैसच्या अंगावर विज पडुन म्हैस ठार झाल्याची घटना २० जुन रोजी सायंकाळी चार वाजता दरम्यान घडली. खरबी येथील पशुपालक शेतकरी गुलाब गोमासे यांची म्हैस घरा समोर बांधली असताना तिच्या अंगावर विज पडल्याने म्हैस जागीच ठार झाली. सदर घटनेत पशुपालक शेतकरी गुलाब गोमासे यांचे एक लक्ष रुपयांचे आर्थिक नुकसान झाले आहे. सदर घटनेची माहिती मिळताचघटनास्थळी तलाठी बागडे, कोतवाल संजय बोरकर व पशूवैद्यकीय अधिकारी दाखल होत, घटनेचा पंचनामा करून सदर अहवाल तुमसर तहसिलदार यांना पाठ- विण्यात आला आहे. नुकसान ग्रस्त पशुपालक शेतकरी गुलाब गोमासे यांना शासनाकडून आर्थिक नुकसान भरपाई देण्याची मागणी नागरिकांनी केली आहे.
