भंडारा पत्रिका / प्रतिनिधी सिहोरा : पोलीस स्टेशन सिहोरा अंतर्गत असलेल्या तुमसर बालाघाट मार्गावर नीलम इंडस्ट्रीज धर्म काटा चुल्हाड लगत दोन बाईक स्वार आपसात भिडल्याने एकाचा घटनास्थळीच मृत्यू झाला तर दुसरा ईसम जखमी झाल्याची घटना आज ११ जुलै रोजी दुपारी १२ वाजताचे सुमारास घडली. घटनेचे वृत्त कळताच पोलीस स्टेशन सिहोराचे ठाणेदार नितीन मदनकर हे आपल्या पोलीस चमूसह घटनास्थळावर दाखल झाले.
घटना स्थळाचा पंचनामा करून शव पोस्टमार्टम करीता तुमसर रुग्णालयात पाठविण्यात आले असून जखमी तरुणाला उपचारासाठी भंडारा रुग्णालयात पाठविण्यात आले आहे. मध्यप्रदेश येथील जय राधेलाल खरे हे आपला साथीदार महेंद्र नागेश्वर यांचे सोबत नागपूर वरून आपले गाव रामपायली गरा कडे जात असतांना चुल्हाड कडून सिहोराकडे जात असलेले बाईक स्वार रंजीत नेवारे सिहोरा हे आमोरा समोर धडकले यात गरा निवासी जय राधेलाल खरे वय १९ वर्षे यांचा घटना स्थळीच मृत्यू झाला.तर सिहोरा निवासी रंजीत नेवारे वय २४ वर्ष गंभीर जखमी झाले आहेत.जखमी रंजीतला उपचारासाठी भंडारा रुग्णालयात पाठविण्यात आले आहे. पुढील तपास पोलीस उपनिरीक्षक मूलचंद मेश्राम हे करीत आहेत.
