लाखांदुर : नगर पंचायत लाखांदूर तर्फे दि. १३ आॅगस्ट २०२४ रोजी स्वातंत्र्याचा ७७ वा वर्धापन दिन व हर घर तिरंगा उपक्रमाअंतर्गत लाखांदूर शहरातुन गांधी चौक ते छत्रपती शिवाजी महाराज चौक टी पॉईंट पर्यंत तिरंगा रॅली काढण्यात आली. सदर रॅलीमध्ये डॉ. बाबासाहेब आंबेडकर विद्यालयाचे विद्यार्थी, न.पं. लाखांदूरचे अधिकारी कर्मचारी तथा नगरसेवक यांनी उत्स्फूर्त सहभाग घेतला. न.पं. कार्यालयासमोर तिरंगा शपथ घेऊन सदर रॅलीची सांगता करण्यात आली. स्वातंत्र्य दिनानिमित्त दि. १३ ते १५ आॅगस्ट दरम्यान तिरंगा फडकावण्याचे व देशाचे स्वातंत्र्यसैनिक, हुतात्मे व राष्ट्रध्वजाप्रती सन्मान व अभिमान राखण्याची आणि देशसेवेकरीता कटिबद्धतेची शपथ यावेळी घेण्यात आली.
