नागपूर : एकतर्फी प्रेम करणाºया युवकाने दहावीत शिकणाºया विद्यार्थिनीचा सतत पाठलाग करुन प्रेमसंबंध ठेवण्याची मागणी घातली. तिने नकार देताच अ‍ॅसिड फेकून चेहरा विद्रूप करुन वडिलांचा खून करण्याची धमकी दिली. या प्रकारामुळे भयभीत झालेल्या विद्यार्थिनीने पोलिसांकडे धाव घेतली. पोलिसांनी आरोपीला हुडकून काढत त्याच्या मुसक्या आवळल्या. हा संतापजनक प्रकार बेलतरोडीत उघडकीस आला. नागेश चाफले (२६) असे अटकेतील आरोपीचे नाव आहे. पीडित मुलगी दहाव्या वर्गात शिकते. तिला आई-वडिल आणि एक भाऊ आहे. आर्थिक स्थिती चांगली नसतानाही ती शिक्षण घेत आहे. शिक्षणाची जिद्द असल्यामुळे ती स्वत: मोलमजुरीसाठी जाते. मजुरीच्या पैशातून पुस्तके आणि शाळेच्या तिकिटाचे पैसे जमवते. तिच्या भावाच्याही शिक्षणाची जबाबदारी तिच्यावरच आहे. त्यामुळे ती शाळेला सुटी असल्यानंतर कामावर जाते. मात्र, गेल्या काही दिवसांपासून आरोपी नागेश हा तिच्याशी बोलण्याचा प्रयत्न करीत होता. आरोपी नागेश हा महापालिकेच्या कचºयाच्या गाडीवर काम करतो.
मुलगी शाळेत जात असताना तो मागील काही महिण्यांपासून तिचा पाठलाग करीत होता. ती मेट्रो रेल्वेने ये-जा करते. २२ आॅगस्टला नेहमी प्रमाणे शाळेत गेली. शाळा सुटल्यानंतर पुन्हा मेट्रोने सायंकाळी ४.३० वाजता मैत्रीणीसोबत आली. न्यू एअरपोर्ट मेट्रो स्टेशन मधून बाहेर पडताना आरोपी नागेशने तिला थांबण्याचा इशारा केला. मात्र, तिने त्याच्याकडे दुर्लक्ष केले. त्यामुळे त्याने तिच्या मैत्रिणींना धाक दाखवला आणि तेथून निघून जाण्यास सांगितले. त्याने तिच्याकडे प्रेमसंबंध ठेवण्याचा आणि लग्नाचा प्रस्ताव ठेवला. तिच्याक- डून कुठलाच प्रतिसाद मिळत नसल्याचे पाहून त्याने अ‍ॅसिड फेकून चेहरा विद्रूप करण्यासोबतच तुज्या वडिलांचा खून करील अशी धमकी दिली. त्यामुळे पीडित मुलगी घाबरली व सुटका करून घेतली. त्याच वेळी आरोपीने तिच्या गालावर थापड मारली आणि शिवीगाळ केली.
