भंडारा पत्रिका/प्रतिनिधी गोंदिया : आता तो दिवस दूर नाही… लवकरच राज्याचा निवडणूक आयोग राज्यातील विधानसभा विधानसभा निवडणुकांच्या वेळापत्रक आणि तारखा जाहीर करेल आणि दिवाळी नंतर राज्यात विधानसभा निवडणुका पूर्ण होतील. अशा परिस्थितीत राजकीय पक्ष पुन्हा एकदा सत्ता काबीज करण्यासाठी सर्व शक्ती वापरण्याचा प्रयत्न करतील आणि त्यासाठी जोरदार रणनीती बनविण्याची तयारी सुरू झालेली आहे. उमेदवारांच्या बाजूने निवडणूक जिंकण्यासाठी स्थानिक नागरिकांमध्ये संभाव्य उमेदवारांच्या बाजूने असलेले वातावरण, आमदार-माजी आमदार म्हणून मिळवलेले यश व प्रयत्न, सत्ताधाºयांच्या बाजूने आणि विरोधातील वातावरण अशा विविध विषयांवर चाचपणी ही सुरू आहे. पक्षाच्या योजनांचा जनतेवर प्रभाव पडण्याबरोबरच उमेदवारांची कार्यशैलीही महत्त्वाची असल्याचे दिसून येत आहे. या स्थितीत राजकीय विश्लेषकांच्या मतानुसार आणि लोकांमध्ये दिसणाºया ट्रेंडनुसार गोंदिया जिल्ह्यातील तिरोडा येथील आमदार विजय रहांगडाले व आमगाव देवरी विधानसभा निवडणुकीतील मागील उमेदवार संजय पुराम यांच्या नावावर भाजपसाठी आशादायी वातावरण नाही.
तिरोडा येथे एकाही आमदाराला तिसºयांदा विजय मिळवता आला नाही असे येथील आतापर्यंतचा इतिहास सांगतो. गोंदिया जिल्ह्यातील चार विधानसभा जागांवर मागील निवडणुकीत भाजपला केवळ एक मात्र तिरोडा विधानसभेत विजय मिळवता आला होता, तर अर्जुनी मोरगाव मध्ये राष्ट्रवादीचे उमेदवार, गोंदियातील चाबी चा अपक्ष आमदार आणि देवरी आमगाव मध्ये काँग्रेसचे कोरेटी हे उमेदवार विजयी झाले होते. मात्र, भाजपने ज्या एकमेव जागेवर विजय मिळवला होता, त्या जागेवरही भाजपचा मार्ग आजघडीला सोपा दिसत नाही. विद्यमान आमदार विजय रहांगडाले हे दोन वेळा आमदार असूनही त्यांच्या कार्यकाळात सिंचनासाठी निधी उपलब्ध करून देण्यातही विजय रहांगडाले अपयशी ठरल्याचे परिसरातील अनेकांचे मत व राजकीय विश्लेषणातून समोर येत आहे. त्यांच्या कार्यकाळात स्थानिक विकासकामे यशस्वी झाली, मात्र त्यांच्या कार्यकाळात दर्जावर प्रश्नचिन्ह उपस्थित होत असून, तेही जनतेच्या मोठ्या नाराजीचे कारण ठरत आहे. तसेच आमदार विजय रहांगडाले यांच्या संदर्भात स्थानिक कार्यकर्त्यांना महत्त्व देण्या ऐवजी निवडक लोकांना लाभ देण्याचे काम आमदार विजय रहांगडाले यांनी केल्याचे विधानही पक्षातीलच नाराज पुढे करित आहेत.
त्यांच्या १० वर्षांच्या कार्यकाळात आमदार विजय रहांगडाले यांचे अधिकाºयांवर नियंत्रण दिसून आले नाही. तिरोडा परिसरातील जागृती पतसंस्थेत काही वर्षांपूर्वी गुंतवणूकदारांच्या पैशांची फसवणूक करणाºयांनाही आमदार विजय रहांगडाले यांच्या संरक्षणातच आळा बसल्याची चर्चा असून, ज्यांचे आर्थिक नुकसान झाले ते अद्यापही व्यथित असल्याचे सर्वत्र बोलले जात आहे. नुकत्याच पार पडलेल्या लोकसभा निवडणुकीतही आमदार विजय रहांगडाले यांना खासदार सुनील मेंढे यांच्या बाजूने विजयाचा मार्ग मोकळा करण्यात यश मिळू शकले नाही, हीच राजकीय परंपरा आजही त्याच भागात सुरू आहे, की कोणत्याही भागातील आमदार निवडून आलेला नाही. तिसºयांदा आमदार होऊशकले नाहीत. भाजपचे भजनदास वैद्यही तिसºयांदा रिंगणात उतरले, त्यांनी निवडणूक लढवली होती, तेव्हा त्यांना पराभवाला सामोरे जावे लागले होते, विजय रहांगडाले हे तिसºयांदा विधानसभेची निवडणूकही लढवणार आहेत, त्यामुळे या स्थितीत त्यांनाही नकारात्मकतेचा फटका सहन करावा लागू शकतो. आमदार विजय रहांगडाले यांच्या कार्यकाळात या परिसरात रोजगाराशी निगडित एकही मोठा उद्योग उभारता आला नाही. रेल्वेचे प्रश्न सोडविण्याचे काम आमदार विजय रहांगडाले यांना करता आले नाही.
