सिहोरा : भारतीय जनता पार्टी किसान मोर्चाच्या महासचिव पदावर विनोद भाऊराव तुमसरे यांची निवड करण्यात आली आहे. महासचिव पदाच्या नियुक्तीचे पत्र माजी पालकमंत्री डॉ. परिणय फुके यांच्या हस्ते देण्यात आले आहे. नियुक्ती पत्र देतेवेळी किसान मोर्चा अध्यक्ष डॉ हरेंद्र रहांगडाले, तुमसर विधानसभा प्रमुख प्रदीप पडोळे, भाऊराव तुमसरे, काशीराम टेंभरे, भगवान चांदेवार, पंकज बालपांडे, कल्याणी भुरे, राजेंद्र पटले व भाजप पदाधिकारी हे उपस्थित होते. यांनी विनोद तुमसरे यांना पुढील वाटचाली करिता शुभेच्छा देत अभिनंदन केले. विनोद तुमसरे यांनी आपल्या नियुक्तीचे श्रेय आ. डॉ. परिणय फुके, भाजप जिल्हा अध्यक्ष प्रकाश बाळबुधे, किसान मोर्चा अध्यक्ष डॉ. हरेंद्र रहांगडाले, प्रदेश किसान मोर्चा उपाध्यक्ष राजेंद्र पटले, तुमसर विधानसभा प्रमुख प्रदीप पडोळे, जिल्हा महासचिव कुंदा वैध, जिल्हा महिला मोर्चा अध्यक्ष कल्याणी भुरे यांना दिले आहे.
