भंडारा पत्रिका / प्रतिनिधी सिहोरा : पोलीस स्टेशन सिहोराच्या हद्दीत व सोंड्या रेती डेपो येथून रॉयल्टी सहित तीन टिप्पर ट्रक क्षमतेपेक्षा अधिक रेती वाहून जात असल्याची कुण कुण लागताच त्यांना राष्ट्रीय मार्ग क्रमांक २७१ वर पेट्रोलिंग वर असलेल्या पोलिसांनी काल २ आॅक्टोंबर रोजी अडविले असता त्यांच्याकडे रॉयल्टी होती . परंतु क्षमतेपेक्षा अधिक रेती भरून असल्यामुळे टिप्पर ट्रक क्र. एम एच ४९ बी झेड २३०० , टिप्पर ट्रक क्र. एम एच ४० बी एल ५७७७ व टिप्पर ट्रक क्र. एम एच ४० सी एम ९२६८ यांचेवर पोलीस स्टेशन सिहोराचे ठाणेदार नितीन मदनकर यांचे आदेशान्वये पोलीस अधीक्षक नुरुल हसन व अप्पर पोलीस अधीक्षक ईश्वर कातकडे यांचे मार्गदर्शनाखाली करण्यात आली आहे . पुढील कारवाईसाठी आरटीओ कार्यालय भंडारा,विभागीय दंडाधिकारी, तहसीलदार व खणी कर्म विभाग भंडारा यांच्याकडे लेखी पत्रान्वये कळविण्यात आल्याचे ठाणेदार नितीन मदनकर यांनी सांगितले
