भंडारा पत्रिका / प्रतिनिधी साकोली : सानगडी येथे बाठवडी बाजार परिसरातुन मोटारसायकल चोरणाºया चोरट्याला साकोली पोलीसांनी अटक करून त्याच्या ताब्यातुन चोरीची मोटारसायकल जप्त केली. रविंद्र चतुर्भुज वैद्य वय ४८ वर्ष व मनोज लोकचंद नागपूरे वय ३६ वर्ष, दोन्ही रा. सानगडी, ता. साकोली अशी आरोपींची नावे आहेत. सानगडी येथील रमेश विठाबा खेडकर वय ५० वर्षे यांनी त्यांची क्र. एमएच ३६ डि २३०५ स्प्लेंडर प्लस कंपनीची मोटारसायकल सानगडी येथील पंडीत जवाहरलाल नेहरु शाळा जवळील रस्त्यालगत लावून सानगडी आठवडी बाजारात भाजीपाला खरेदीसाठी गेले असत अज्ञात चोरट्यांनी त्यांची मोटार सायकल चोरुन नेली.
याप्रकरणी फिर्यादीच्या तक्रारीवरून पो.स्टे. साकोली येथे गुन्हा दाखल करण्यात आला. साकोली पोलीसांनी सदर गुन्ह्याचे तपासात गोपनीय यंत्रणा सक्रीय करुन आरोपींचा शोध घेत असतांना. सानगडी येथील रविंद्र चतुर्भुज वैद्य व मनोज लोकचंद नागपूरे यांना ताब्यात घेऊन त्याच्याकडे कसून चौकशी केली असता दोन्ही आरोपींनी गुन्हयाची कबुली दिली. पोलीसांनी आरोपीकडुन गुन्हयात चोरी गेलेली मोटार सायकल जप्त करीत आरोपींना ताब्यात घेतले. सदर गुन्ह्याचा तपास पोलीस निरीक्षक संजय गायकवाड यांचे मार्गदर्शनाखाली पो. हवा.महादेव मडावी , पो. अंमलदार मधुकर शेंडे , गोविंद शिंदे करीत आहेत.
