भंडारा पत्रिका / प्रतिनिधी नागपूर : श्री सद्गुरू साई चॅरिटेबल ट्रस्टच्या श्री सद्गुरू साई पालखी सोहळा वतीने २६ आॅक्टोबर सायंकाळी ६.३० ते रात्री १० पर्यंत भगवान नगर, मैदान येथे साई दीपोत्सव सोहळ्याचे आयोजन करण्यात आल्याची माहिती ट्रस्टचे अध्यक्ष पकंज महाजन यांनी पत्रपरिषदेत दिली. यावेळी अनुपम बल्की, आशिष चिरकुटे, मोहन चौहान, निखिल झाडे, अमित गोंडणे, शुभम कुबडे आदी उपस्थित होते. मुख्यत:तृतीय दीपोत्सव सोहळ्यात ३१ हजार दिवे करण्यात येणार असून या सोहळ्याला प्रमुख पाहुणे म्हणून केंद्रीय मंत्री नितीन गडकरी, उपमुख्यमंत्री देवेंद्र फडणवीस, माजी आ. सुधाकर कोहळे उपस्थित राहतील. श्री साई पालखी परिवार विदर्भ वतीने दरवर्षी दिवाळीच्या पूर्व संध्येलाभव्य दीपोत्सव साजरा करण्यात येतो. या अभूतपूर्व सोहळ्यात मोठया संख्येने साई भक्तांनी उपस्थित राहून साई चरणी पहिला दिवा दिवाळी साजरी करावी, असे आवाहन समितीने केले आहे. ओम श्री साईनाथाय नम:, सबका मालिक एक, असे नाव एकतीस हजार दिव्यांनी सजवले जाईल.याशिवाय ५ हजार वर्ग फूट आकारात श्री साई बाबांची द्वारकामाई प्रतिकृतीची भव्य रांगोळी काढण्यात येणार आहे. सोबतच संगीतमय प्रस्तुती सारेगमप फेम भूषण जाधव यांच्यासह हास्यजत्रा फेम प्रियदर्शनी इंदलकर सोहळ्याला विशेष अतिथी म्हणून उपस्थित राहणार आहे. दीपोत्सवाची सुरुवात गौ पूजन करून होणार असून यानंतर साई बाबांची सामूहिक आरती करण्यात येईल.
