भंडारा पत्रिका / प्रतिनिधी गर्रा बघेडा :गोबरवाही पोलीसांनी ग्राम पाथरी परिसरात अवैधरित्या ट्रॅक्टरमध्ये रेती भरणाºया दोन ट्रॅक्टरवर कारवाई करीत दोन्ही ट्रॅक्टर जप्त केले. गोबरवाही पोलीस स्टेशनचे कर्मचारी गस्त घालत असतांना पाथरी गावाजवळ स्वराज कंपनीचा निळ्या रंगाचा ट्रॅक्टर एम. एच. ३६ ए एल १९२९ व निळ्या रंगाचा स्वराज कंपनीचा ट्रॅक्टर.एम एच ३६ एल १३७५ हे दोन ट्रॅक्टर अवैधरित्या रेती भरतांना पोलीसांना मिळुन आले. पोलीसांनी दोन्हीट्रॅक्टरचे चालक-मालक महेंद्र हरिचंद कापगते वय ३७ वर्ष व अनिल हीरा लाल गहाणे वय ३६ वर्ष दोन्ही रा.पाथरी यांच्याविरोधात गोबरवाही पोलीसस्टेशनमध्ये गुन्हा नोंद केला आहे. पोलीसांनी घटना स्थळावरून रेती,ट्रॅक्टर व इतर साहित्य मिळुन एकुण ६,१०, ३०० रुपयांचा मुद्देमाल जप्त केला. पुढील तपास ठाणेदार विनोद गिरी यांच्या मार्गदर्शनाखाली पोलीस हवालदार लंकेश राघोर्ते व पोलीस हवालदार गजानंन चौव्हान हे करीत आहेत
