तुमसर : येथील नवीन बस स्टॉप वर मुलाला बस स्टॅन्ड वर सोडून परत जात असताना ट्रक क्रमांक एमएच ३५ एजे १७०० ने स्कुटी क्र.एमच ३६ एएन १५१० ला मागून जबर धडक दिली. त्यात कौशल्या रुधीर दहाट वय ४८ रा, आंबेडकर नगर तुमसर या स्कुटीस्वार महिलेच्या ट्रक च्या चाकाखाली येऊन जागीच मृत्यू झाल्याची घटना आज दि. १७ जानेवारी ला सकाळी ११ वाजे घडली. नवीन बस स्टॉप समोरील अंगूरवाल्या हातगाडीच्या साईड वरून जात असताना मागेहुन येणाºया ट्रकने स्कुटीला जोरदार धडक दिली. ट्रक चालक इम्रान इकबाल शेख वय ३० रा. डब्बे टोला ता. तिरोडा यांनी आपल्या ट्रक हयगयीने चालवून स्कुटी चालक महिलेस चिरडले. या धडकेत स्कुटी चालक महिला कौशल्या रुधीर दहाड ह्या ट्रकच्या चाकात येऊन त्यांच्या जागीच मृत्यू झाला.
