भंडारा पत्रिका प्रतिनिधी खापा (तुमसर ): संपूर्ण जिल्ह्याचे लक्ष लागलेल्या तुमसर पंचायत समितीच्या निवडणुकीत २० पंचायत समिती सदस्यांनी भाग घेतला होता. त्यात सभापती पदाचे उमेदवार म्हणून पल्लवी परमानंद कटरे व दीपिका सुमित गोपाले यांनी नामांकन दाखल केले. त्यात पल्लवी कटरे यांना ७ मते मिळाली तर दीपिका गोपाले यांना १३ मते मिळाली. निवडणूक अधिकाºयांनी दीपिका गोपाले यांना विजय घोषित केले. तर उपसभापती पदाकरता सुभाष बोरकर यांनी उमेदवारी अर्ज दाखल केला.
उपसभापती पदाकरता दुसरा कुणाच्याही अर्ज नसल्यामुळे सुभाष बोरकर यांना अविरोध उपसभापती निवड करून घोषित करण्यात आले. उपस्थित पंचायत समिती सदस्यांनी सभापती व उपसभापती यांचे अभिनंदन केले. यावेळी राष्ट्रवादी काँग्रेस अजित पवार गट व भाजपा शिंदे गट शिवसेना व कार्यकर्ते प्रामुख्याने उपस्थित होते.
