भंडारा पत्रिका/प्रतिनिधी नवेगावबांध : दुचाकी वाहनाला बोलोरो पिकप गाडीने धडक दिल्याने दोन चिमुकल्यासह आईचा जागीच मृत्यू झाला. तर दुचाकी चालक गंभीर जखमी आहे. सदर घटना २६ जानेवारीला दुपारी चार वाजेच्या दरम्यान नवेगावबांध अजुर्नी मोरगाव राज्य मार्गावर नवेगावबांध शिवारात भारती बार व रेस्टॉरंट नजीक घडली आहे. प्रजासत्ताक दिनी येरंडी देवलगाव येथील पंधरे कुटुंबावर दु:खाचे डोंगर कोसळले आहे. येथून नजीकच्या येरंडी देवलगाव येथील संदीप राजू पंधरे (वय २९ वर्षे) हे दुपारी चार वाजेच्या दरम्यान आपल्या स्वगाव येरंडीवरून नवेगावबांधकडे काही कामानिमित्त आपल्या पल्सर गाडी क्रमांक एमएच ३५, एएम २७५६ वर स्वार होऊन, पत्नी चीतेश्र्वरी संदीप पंधरे (वय २६ वर्ष), मुलगा संचित संदीप पंधरे (वय ५ महिने) व घरा शेजारी असलेली पार्थिवी रोहित सिडाम वय ३ वर्ष येत असताना मागून येणाºया बोलोरो पीकअप गाडी क्रमांक एम एच ३५, एजे ४४८२ या अज्ञात वाहन चालकांचा गाडीवर नियत्रंण सुटून दुचाकीला मागून जबर धडक दिली. यात दुचाकी वर स्वार असलेल्या चीतेश्र्वरी संदीप पंधरे, संचित संदीप पंधरे व पार्थिवी रोहित सिडाम यांचा जागीच दुदेर्वी मृत्यू झाला आहे.
