भंडारा : पी. एम. श्री. जवाहर नवोदय विद्यालय पाचगाव भंडारा येथील इयत्ता १० वी चा विद्यार्थी यथार्थ सैनपाल वासनिक याने भारतीय रक्षा मंत्रालय तसेच सेंट्रल बोर्ड आॅफ सेकंडरी एजुकेशन भारत सरकार द्वारा आयोजित विरगाथा ४.० ह्या स्पर्धेमध्ये देशातील १०० प्रतिभावान विद्यार्थ्यामध्ये स्थान पटकावून इयत्ता ९ वी ते १० वी ह्या गटातून त्यांच्या पेंटिंग ह्या चित्रकलेला देशातून ३ रा स्थान मिळाला आहे. आज २६ जानेवारी देशाच्या प्रजासत्ताक दिनी दिल्ली येथे आपल्या देशाचे संरक्षण मंत्री मा. राजनाथ सिंग ह्यांचे हस्ते विरगाथा अवार्ड, मेडल, प्रशस्तीपत्रक आणि १० हजारांचे पारितोषिक देवून गौरविण्यात आले आहे. आपल्या जिल्ह्यातील तो हा पुरस्कार प्राप्त करणारा पाहिलाच विद्यार्थी असून विद्यालयातील प्राचार्या धारगावे मॅडम, विद्यालयातील सर्व शिक्षक व शिक्षकेत्तर कर्मचारी आणि भंडारा जिल्हा माध्यमिक विभागाचे शिक्षणाधिकारी सलामे साहेब, जीवन सार्वे व जिल्ह्यातील सर्व स्तरावरून विद्यार्थांचे कौतुक होत आहे.
