भंडारा पत्रिका / प्रतिनिधी नागपूर : ग्राहकांशी हातमिळवणी तसेच त्यांना बनावट दागिन्यांवर कर्ज मिळवून देणाºया सुवर्ण तपासणीसाने विश्वासघात केला व ७३ लाख ९० हजार रुपयांनी बँकेची फसवणूक केली. या प्रकरणी पाचपावली पोलिसांनी आरोपीविरुद्ध फसवणुकीचा गुन्हा दाखल केला. अनिल उरकुडे (५९) रा. लालगंज असे आरोपीचे नाव आहे. पाचपावली पोलिस ठाण्याअंतर्गत कमाल चौक येथे शिक्षक सहकारी बँक आहे. लक्ष्मण सगम (५७) यांच्याकडे व्यवस्थापक म्हणून जबाबदारी आहे. अनिल उरकुडे हा सुवर्णकार असून त्याला दागिने तपासणीसाठी नियुक्त करण्यात आले आहे. बँकेत सोने तारण ठेवून कर्ज घेणाºयाचे दागिने खरे आहेत कवा नाही, याची शहानिशा करण्याची जबाबदारी अनिलची होती. त्याच्याप्रमाणपत्रावरूनच सोने तारण ठेवणाºया ग्राहकांना कर्ज मिळत असे.
हीच संधी साधून अनिलने शक्कललढविली. २४ मार्च २०१७ ते ३१ जुलै २०१८ पर्यंत म्हणजे १६ महिन्यांत त्याने १६ ग्राहकांशी हातमिळवणी केली. विशेष म्हणजे सर्व ग्राहक त्यानेच तयार केले. बनावट दागिने घेऊन आलेल्या ग्राहकांना कर्ज मिळण्यासाठी त्याने मार्ग उपलब्ध करून दिला. म्हणजे बनावट दागिने असल्यानंतरही त्याने खरे असल्याचे प्रमाणपत्र बँकेला दिले. त्यामुळे बँकेने त्या सर्व ग्राहकांना कर्ज दिले. सुरुवातीचे काही हप्ते ग्राहकांनी भरले. मात्र, नंतर बँकेचे हप्ते थकले. बरेच दिवस होऊनही ग्राहक हप्ते भरत नसल्याने बँक व्यवस्थापनाने चौकशी केली. ग्राहकांशी संपर्क साधला. त्यांची समजूत घातली. यानंतरही ग्राहकांनी पैशांची परतफेड केली नाही. बँकेचे कर्मचारी वारंवार तगादा लावत असताना गुरव बंधूने सारा प्रकार बँक व्यवस्थापनाला सांगितला आणि या बनावट प्रकरणाचा भंडाफोड झाला.
