भंडारा पत्रिका / प्रतिनिधी भंडारा : शिक्षकांची होणारी आंतरजिल्हा बदलीची प्रक्रिया आॅनलाईन पद्धतीने पुन्हा सुरु व्हावी यासाठी महाराष्ट्रातील शिक्षक संघटनेच्या वतीने सातत्याने मागणी करण्यात येत होती. शिक्षकांच्या बदलीची ही प्रक्रिया जलदगतीने सुरु व्हावी यासाठी विधानपरिषदेचे आमदार डॉ. परिणय फुके यांनी राज्याचे ग्रामविकास व पंचायतराज मंत्री मा.श्री. जयकुमार गोरे साहेबांसमवेत पत्रव्यहार देखील केला होता. या मागणीला यश मिळाले असून आॅनलाईन पद्धतीने आंतरजिल्हा बदलीचा सातवा टप्पा लवकरच राबविण्यात येणार आहे. याबाबत शासन निर्णय ही जाहीर करण्यात आला असून सर्व जिल्हा परिषद शिक्षकांच्या वतीने आमदार डॉ. परिणय फुके यांचे आभार मानण्यात येत आहे. महायुतीच्या काळात २०१७ मध्ये महाराष्ट्रातील जिल्हा परिषद शिक्षकांच्या आॅनलाईन आंतरजिल्हा व जिल्हाअंतर्गत बदली करण्यात आल्या होत्या.
या आॅनलाईन बदल्यांमुळे भ्रष्टाचाराला लागम लागला होता. तर या बदली प्रक्रियामुळे महाराष्ट्रातील ९९.९९ टक्केशिक्षक समाधानी असल्याचेही निदर्शनास आले होते. मात्र मागील वर्षी या बदल्या होण्यास दिरंगाई होत असल्याचे निदर्शनास आले होते. आंतरजिल्हा बदलीच आॅनलाईन ७वा टप्प्या संदर्भात प्राथमिक शिक्षकांच्या आॅनलाईन आंतरजिल्हा बदल्यांची प्रक्रिया एप्रिल, मे महिन्यात राबविल जाते. मात्र लोकसभा व विधानसभा निवडणूक आचारसंहिता असल्याने ती राबविली नाही. ही प्रलंबित बदली प्रक्रिया शिक्षक भरती पूर्वी शैक्षणिक वर्ष २०२४-२५ अखेरची सेवाजेष्टता लावून तात्काळ आॅनलाईन पद्धतीने राबविण्यात यावी, अशी मागणी शिक्षक सहकार संघटना कडून करण्यात आली होती. याबाबत शिक्षक संघटनांनी डॉ. परिणय फुके यांना देखील भेटून यावर तोडगा काढण्याबाबत निवेदन दिले होते. याचीच दखल घेत आमदार डॉ. परिणय फुके यांनी राज्याचे ग्रामविकास व पंचायतराज मंत्री मा.श्री. जयकुमार गोरे साहेबांसमवेत पत्रव्यहार देखील केला होता. या मागणीला यश मिळाले असून आॅनलाईन पद्धतीने आंतरजिल्हा बदलीचा सातवा टप्पा लवकरच राबविण्यात येणार आहे. याबाबत शासन निर्णय ही जाहीर करण्यात आला असून सर्व जिल्हा परिषद शिक्षकांच्या वतीने आमदार डॉ. परिणय फुके यांचे आभार मानण्यात येत आहे.
