भंडारा पत्रिका/प्रतिनधी गोंदिया : गोंदिया तालुक्यातील कार्तुली-इर्री मार्गावर मोठा अपघात घडला. रेतीने भरलेला टिप्पर अनियंत्रित होऊन पलटी झाला. या अपघातात एका व्यक्तीचा जागीच मृत्यू झाला, तर दुसरा गंभीर जखमी झाला आहे. मृतक मध्ये अनमोल वट्टी वय २५ रा. मेहंदी पूर तर खुशाल चौधरी वय १८ वर्ष रा. मुंडिपार हा गंभीर जखमी झाला. जखमीला तातडीने गोंदिया येथील जिल्हा रुग्णालयात हलवण्यात आले आहे. प्राथमिक माहितीनुसार, टिप्पर भरधाव वेगाने जात असताना चालकाचा वाहना वरील ताबा सुटल्याने हा अपघात झाला असावा, असा अंदाज व्यक्त केला जात आहे. मात्र, अपघाताचे नेमके कारण अद्याप स्पष्ट झालेले नाही. अपघाताची माहिती मिळताच स्थानिक नागरिकांनी घटनास्थळी धाव घेतली. काही वेळातच पोलिस आणि मदतकार्य पथक घटनास्थळी पोहोचले आणि बचावकार्य सुरू केले. टिप्पर उलटल्याने रस्ता काही काळासाठी बंद झाला होता.
पोलिसांनी तातडीने वाहतूक सुरळीत करण्यासाठी उपाययोजना केल्या. या अपघातामुळे परिसरात भीतीचे वातावरण निर्माण झाले आहे. कार्तुली-इर्री मार्गावर वारंवार होणाºया अपघातांमुळे नागरिकांत संताप आहे. या मार्गावर अवजड वाहतुकीवर नियंत्रण आणण्यासाठी योग्य उपाययोजना कराव्यात, अशी मागणी स्थानिकांकडून केली जात आहे. दरम्यान, या प्रकरणी पोलीस अधिक तपास करत असून टिप्परच्या चालकाची चौकशी करण्यात येत आहे. रेती वाहतुकीसंदर्भात नियमांचे पालन होत आहे का, याचाही तपास केला जात आहे. पुढील तपास ग्रामीण पोलीस करत आहेत.
